Report.az
Fransa millisinin futbolçusu Kilian Mbappe İspaniyanın "Real" klubunun rəhbərliyindən İngiltərə təmsilçisi "Arsenal"da çıxış edən Uilyam Salibanın transferi ilə bağlı danışıqlara başlamağı xahiş edib.
"Report" "Defensa Central" nəşrinə istinadən xəbər verir ki, hücumçu həmyerlisinin yay transfer dönəmində heyətə cəlb olunmasını istəyir.
"Kral klubu" bu keçidin baha başa gələcəyindən çəkinir. Müdafiəçinin bazar dəyəri 80 milyon avrodur və onun "topçular"la müqaviləsinin müddəti 2027-ci ilin yayınadək qüvvədədir.
Londonlular bu transfer üçün təxminən 100 milyon avro tələb edəcək.
Qeyd edək ki, Uilyam Saliba cari mövsüm 43 oyunda meydanda olub və 2 qol vurub.
