Idman.biz
"Real Madrid"in hücumçusu Kilian Mbappe "Barselona" ilə keçiriləcək "el klassiko" barədə danışıb.
İdman.Biz-in məlumatına görə, İspaniya Primerasının 10-cu turunun oyunu 26 oktyabrda "Santyaqo Bernabeu" stadionunda keçiriləcək.
"Bu, hər kəsin görmək istədiyi bir matçdır. Klub səviyyəsində bundan xüsusi bir şey yoxdur. Bunu yalnız Çempionlar Liqasının vacib oyunu ilə müqayisə edə bilərik, amma La Liqada "Real Madrid" – "Barselona" matçı kimi bir şey yoxdur. Amma biz sadəcə oynamaq istəmirik, qələbə qazanmaq istəyirik", - Mbappe Madrid klubunun rəsmi saytına deyib.
İspaniya çempionatının 10 turundan sonra "Real Madrid" 24 xalla turnir cədvəlinə başçılıq edir. "Barselona" 22 xalla ikinci yerdədir.
