Idman.biz
"Real Madrid"in hücumçusu Kilian Mbappe ağrı hiss edə-edə komandanın son oyunlarında oynayıb.
İdman.Biz AS-ın məlumatına istinadla bildirir ki, o, diz zədəsi səbəbindən ümumilikdə 270 dəqiqə meydanda olub.
Oyunçu İspaniya liqasında "Alaves" (2:1) və "Sevilya" (2:0) ilə oyunlarda, eləcə də "Talavera de la Reina" (3:2) ilə Kral Kuboku matçında tam 90 dəqiqə meydanda olub. Tibbi müayinədən sonra Mbappenin İspaniya Super Kuboku matçlarında iştirakı şübhə altındadır.
Superkubokun yarımfinal oyunları 7 və 8 yanvar tarixlərində "Barselona" və "Atletik Bilbao", eləcə də "Real Madrid" və "Atletiko Madrid" arasında olacaq. Final 11 yanvarda, Səudiyyə Ərəbistanının Ciddə şəhərində keçiriləcək.
Mbappe 2024-cü ilin yayından "Real Madrid"də oynayır. Bu günə qədər o, Madrid komandasında 83 oyunda 73 qol vurub və 10 məhsuldar ötürmə edib. Onun müqaviləsi 2029-cu ilin iyun ayına qədərdir.
