Lent.az
Fransa yığmasının hücumçusu Kilian Mbappe, 2026-cı il Dünya Çempionatının seçmə mərhələsində Azərbaycanla keçirilən (3:0 hesabı ilə bitən) oyunu zaman zədə alıb.
Lent.az xəbər verir ki, futbolçu Fransa yığmasının düşərgəsini tərk etməyə məcbur olub və bərpa prosesi üçün "Real Madrid" klubuna qayıdacaq.
Xəbərdə bildirilir ki, "Real" klubunun Fransa Futbol Federasiyası ilə Mbappenin oyunda keçirəcəyi dəqiqələrin sayı barədə heç bir razılaşması olmayıb. Oyunçunun Azərbaycanla demək olar ki, bütün qarşılaşmanı oynaması Madrid klubunu təəccübləndirib. Çünki Mbappe klubdan ayağında narahatlıqla yığmaya yollanmışdı. Hətta rəsmi tibbi hesabatda onun topuq hissəsində problem olduğu qeyd edilmişdi.
Əlavə edilib ki, Mbappenin topuğundakı vəziyyət klubdan ayrıldığı dövrlə müqayisədə daha da pisləşib.
Xatırladaq ki, "Real Madrid"in digər hücumçusu Fransa yığmasının oyunçusu Franko Mastantuono da Argentina millisinin tərkibində zədə alıb və o da Mbappe kimi klubuna qayıdır.
