Sport24.az
"Mançester Yunayted"in keçmiş yarımmüdafiəçisi Maykl Kerrikin "qırmızı şeytanlar"ın müvəqqəti baş məşqçisi vəzifəsini icra etmək ehtimalı yüksəkdir. Sport24.az xəbər verir ki, bu barədə insayder Fabrisio Romano "X" sosial media platformasında paylaşım edib.
Mənbənin sözlərinə görə, Kerrik INEOS ("Mançester Yunayted"ə nəzarət edən Britaniya şirkəti - red.) və "Mançester Yunayted" rəhbərliyi ilə bu barədə danışıq aparıb və hazırda bu vəzifəyə namizədlər siyahısına başçılıq edir.
"Mançester Yunayted"in bu həftə yeni baş məşqçinin adını açıqlayacağı bildirilir. Bir müddət əvvəl "qırmızı şeytanlar"ın müvəqqəti baş məşqçisi olmaq yönündə favorit hesab edilən norveçli məşqçi Ole Qunnar Solskyaer də rəhbərlikdən qərar gözləyir.
Qeyd edək ki. Mançester klubu yanvarın 5-də Ruben Amorimlə yolları ayırdığını açıqlayıb. Portuqaliyalı mütəxəssis 11 noyabr 2024-cü ilin noyabrından 2026-nın yanvarına qədər "Mançester Yunayted"də çalışıb.
