Sport24.az
"Mançester Yunayted"in müvəqqəti baş məşqçisi , Maykl Karrik müdafiəçi Harri Maquayra yeni müqavilə təklif olunacağını bildirib. Sport24.az xəbər verir ki, bu barədə ingiltərəli mütəxəssis "Sky Sports"a müsahibəsində deyib.
Karrik Maquayrın komandaya böyük töhfə verdiyini vurğulayıb:
"Harri çox təsirli xarakterə malikdir. Bu yaşda belə, təcrübəsi və keyfiyyətləri ilə komandamız üçün vacibdir. Son matçda "Everton"a qarşı fantastik çıxış etdi".
Qeyd edək ki, Maquayr 2019-ci ilin yayından "Mançester Yunayted"də çıxış edir. İngiltərə millisin üzvünün klubu ilə hazırkı müqaviləsi bu ilin yayında başa çatır.
