Sport24.az
"Latsio"nun yarımmüdafiəçisi Matteo Genduzi karyerasını Türkiyədə davam etdirəcək. Sport24.az xəbər verir ki, bu barədə insayder Pedro Almeyda "X"sosial şəbəkə hesabında paylaşım edib.
Mənbənin sözlərinə görə, "Fənərbaxça" artıq 26 yaşlı yarımmüdafiəçinin keçidi ilə bağlı Roma klubu ilə razılığa gəlib. Transfer məbləğinin təxminən 28 milyon avro olduğu bildirilir.
Qeyd edək ki, Genduzi 2024-cü ilin yayında 13 milyon avro qarşılığında "Marsel"dən "Latsio"ya keçib. Bu mövsüm yarımmüdafiəçi "qartallar"ın heyətində bütün turnirlərdə 16 oyunda meydana çıxıb, 2 qol vurub və 1 məhsuldar ötürmə edib.
