Sport24.az
"Bizim üçün oyun olacağını öncədən bilirdik. İlk dəqiqələrdən Azərbaycan millisi güclü təzyiq etdi. Amma biz kompakt müdafiə olunmaqla meydan sahiblərinin hücumlarının qarşısını aldıq, ardınca isə oyunu bərabərləşdirdik. Azərbaycanlıların əllərinə düşən fürsətləri boşa verməsi də, işimizə yaradı, bundan sonra təşəbbüsü ələ aldıq". Bu sözləri Sport24.az - a açıqlamasında Serbiyanın U-21 seçməsinin üzvü Matija Qluşçeviç deyib.
Serbiyanın "11 nömrə"si qələbə qazanacaqlarına inandıqlarını bilkdirməklə yanaşı, final mərhələsinə vəsiqə qazanmaq istədiklərini də vurğulayıb: "Bakıya yaxşı nəticə qazanmaq üçün gəlmişdik. Təbii ki, qələbəyə inamımız var idi. Bu gün meydanda xarakter nümayiş etdirdik, iki qol vurub qələbə qazandıq. Biz hər oyuna 3 xal qazanmaq üçüm çıxırıq. Məqsədimiz daha da tərəqqi etmək və uğurlar qazanmaqdı. Düşünürəm ki, bu yolda düzgün istiqamətdəyik".
Qeyd edək ki, dünən keçirilən oyunda Azərbaycan U-21-i "doğma divarlar" arasında Serbiyadan olan həmyaşıdlarına 0:2 hesabı ilə məğlub olub.
