Idman.biz
"Bizi ciddi oyun gözləyir. Hazırlaşmaq üçün çox vaxtımız olmayıb. Oyun fəlsəfəmiz və məşqçinin bizdən istəyi bəllidir. Doğma meydanda azarkeşləri sevindirmək istəyirik".
İdman.Biz-in məlumatına görə, bu barədə "Qarabağ"ın futbolçusu Mateus Silva UEFA Çempionlar Liqasının əsas mərhələsinin VI turu çərçivəsində "Ayaks"la oyundan öncəki mətbuat konfransında deyib.
"Qarabağ" – "Ayaks" matçı dekabrın 10-da, saat 21:45-də Tofiq Bəhramov adına Respublika stadionunda start götürəcək.
"Düşünürəm ki, belə turnirdə uğurlu nəticə əldə etmək üçün bütün komanda yoldaşlarım səy göstərir. Sabah mən də onlarla birlikdə əlimizdən gələni edəcəyik. Həyəcanlı deyilik. Bütün matçlara necə hazırlaşırıqsa, indi də elə etmişik.
Ötən mövsüm bu kluba böyük hesabla məğlub olmuşduq. Bu dəfə vəziyyəti öz xeyrimizə dəyişməyə çalışacağıq", - Silva əlavə edib.
