Sport24.az
"Arsenal"ın vingeri Qabriel Martinelli Premyer Liqanın 21-ci turu çərçivəsində dünən keçirilən "Liverpul"la matçda (0:0) etdiyi hərəkətə görə rəqib komandanın müdafiəçisi Konor Bredlidən üzr istəyib. Sport24.az xəbər verir ki, o, bu barədə sosial şəbəkə hesabında paylaşım edib:
"Konorla mesajlaşdıq. Ondan üzr istədim. Həmin an onun ciddi zədə aldığını anlamadım. Demək istəyirəm ki, reaksiyama görə çox təəssüflənirəm. Konora tezliklə sağalmasını arzulayıram".
Qeyd edək ki, insident dünən baş tutan görüşün əsas vaxtına əlavə olunmuş dəqiqələrdə baş verib. Bredli topu vurduqdan sonra yöndəmsiz şəkildə yerə yıxılıb. Martinelli onu meydandan kənarlaşdırmağa çalışıb. Bu hərəkətlər "Liverpul"un oyunçularını qəzəbləndirib və kiçik bir davaya səbəb olub. Bredli meydanı qoltuqağacı ilə tərk edib.
