Sport24.az
"Real"ın sabiq müdafiəçisi Marselo keçmiş komanda yoldaşı Kriştiano Ronaldo ilə münaqişə yaşaması haqda danışıb. Sport24.az xəbər verir ki, o, Ronaldonun Madrid təmsilçisinə transfer olunmağından öncə aralarında mübahisə yarandığını deyib:
"Kriştiano ilə münasibətim Braziliya-Portuqaliya matçı zamanı mübahisəmizlə başladı. O, çox sürətli idi və mən ona qarşı qaydanı pozmalı oldum. Ronaldo məni tutdu və mən də eyni şəkildə cavab vermək istədim. Lakin o, çox uzun idi. Sonradan bildim ki, "Real" iki aydan sonra Ronaldonu alacaq. Sonra zarafatla dedim: "Klubdan gedirəm". Amma hər şey yaxşı alındı".
Xatırladaq ki, Marselo 2007-ci ilin yanvarından 2022-ci ilin avqustuna kimi "Real"da oynayıb. Ronaldo isə 2009-2018-ci illərdə bu komandanın formasını geyinib.
