Sport24.az
Braziliya millisinin və "Real"ın keçmiş müdafiəçisi Marselo müasir futbolun ən yaxşı driblinqçilərinin adını açıqlayıb. Veteran futbolçu bununla bağlı "As" nəşrinə açıqlama verib:
"Hazırda "Real"ın gənclər komandasında Qabri adlı bir oyunçu var. O, yüksək səviyyəli futbolçudur. Əla driblinqə sahib olduğu üçün yəqin ki, yaxın vaxtlarda onun əsas heyətdə görücəyik. Yamal kimi, o da topla əla rəftar edir. Mən həmçinin PSJ-dən Kvaratsxeliyanın driblinqini bəyənirəm".
Qeyd edək ki, Marselo karyerası ərzində ümumilikdə 663 oyuna çıxıb, 52 qol və 109 məhsuldar ötürmə ilə yadda qalıb. Sol cinah müdafiəçisi karyerasını bu ilin fevralında "Fluminense"də başa vurub.
