Idman.biz
Fransa çempionatının 11-ci turunun "Oser" və "Marsel" komandaları arasında keçirilən oyunu başa çatıb.
İdman.Biz bildirir ki, komandalar "Stade Abbey Deşam" stadionunda (Oser) oynayıblar.
Matç qonaqların 1-0 hesablı qələbəsi ilə başa çatıb.
Marselin yarımmüdafiəçisi Anxel Qomes oyunun yeganə qolunu 30-cu dəqiqədə vurub.
İkinci hissənin 65-ci dəqiqəsində "Marsel"li müdafiəçi Ulisses Qarsiya qırmızı vərəqə alaraq meydandan qovulub.
Oyunun sonlarında, 90+3-cü dəqiqədə "Oser"in müdafiəçisi Sinali Diomande ikinci sarı vərəqə alaraq meydançanı tərk edib.
11 oyundan sonra "Marsel" 22 xalla Liqa 1-in turnir cədvəlində ikinci yerdədir. "Oser" Fransa çempionatında yeddi xalla sonuncudan sonra ikinci, 17-ci yerdədir.
