Idman.biz
"Marsel" futbolçuları Adrien Rabyo və Conatan Rounu satmağa hazırdır.
İdman.biz xəbər verir ki, yarımmüdafiəçilər Liqa 1-in ilk turunda "Renn"ə 0:1 hesabı ilə uduzduqları oyundan sonra paltardəyişmə otağında baş verən davaya görə transfer siyahısına salınıblar.
"Marsel" Rabyonun satışından təxminən 15 milyon avro gəlir əldə etməyi planlaşdırır. 30 yaşlı fransalı futbolçu ilə "Yuventus" və "Milan" maraqlanır. Onun "Marsel"lə müqaviləsinin müddəti 2026-cı ilin iyununda başa çatır.
Rou ilə isə "Sanderlend", "Bolonya" və "Beşiktaş" klublarının maraqlandığı bildirilir. "Marsel" iyul ayında 22 yaşlı ingiltərəli futbolçunu "Norviç"dən 14,5 milyon avroya transfer etmişdi.
İdman.biz
