Sport24.az
İcarə əsasında "Aston Villa"nın formasını geyinən "Mançester Yunayted"in vingeri Markus Reşford "Barselona"ya keçə bilər. Sport24.az xəbər verir ki, bu barədə "El Nacional" məlumat paylaşıb.
Kataloniya təmsilçisinin gənc ulduzu Lamin Yamal da ingilis futbolçunun "Barselona"ya keçidini dəstəkləyir. Onunla bir komandada oynamağın əleyhinə deyil.
Bir müddət əvvəl Reşfordun katalonların baş məşqçisi Hans-Diter Flikin və hücumçusu Robert Levandovskinin agenti Pini Zahavi ilə əməkdaşlığa başladığı xəbəri yayılıb.
Qeyd edək ki, Reşford bu mövsüm Premyer Liqada 25 oyuna çıxıb, 6 qol vurub və 3 məhsuldar ötürmə edib. Onun "Mançester Yunayted"lə müqaviləsi 2028-ci ilin yayına qədərdir.
