Idman.biz
Ötən yay mövsümü icarə əsasında "Barselona"ya keçən "Mançester Yunayted"in hücumçusu Markus Reşford karyerasını Kataloniya klubunda davam etdirmək ümidini ifadə edib.
İdman.Biz-in məlumatına görə, cinah oyunçusu "qırmızı şeytanlar"ın yetirməsidir. O, "Mançester Yunayted"in tərkibində bütün yarışlarda 426 oyun keçirib, 138 qol vurub və 78 məhsuldar ötürmə edib.
"İnsanlar unudurlar ki, həyatımın 23 ilini "Mançester Yunayted"də keçirmişəm. Bəzən dəyişiklik sadəcə zəruridir. "Barselona" ilə buraya mümkün transferim barədə ilk dəfə danışmıram, amma nədənsə bu, əvvəllər heç vaxt baş verməyib. İndi isə belə fürsətim var.
Bu futbol klubu mənim xoşuma gəlir. Düşünürəm ki, futbolu sevən hər kəs üçün "Barselona" futbol tarixinin əsas klublarından biridir. Əlbəttə ki, burada qalmağa ümid edirəm", - Reşford ESPN-ə bildirib.
