Sport24.az
"Bu gün yaxşı və kreativ oyun keçirərək böyük hesablı qələbə qazandıq. Təbii ki, hesab 5:0 yox, fərqli də ola bilərdi. Sadəcə, yaratdığımız çoxsaylı qol imkanlarından yararlana bilmədiklərimiz də oldu. Futbolda bu normal haldı. Əsas odur ki, ÇL-ın startında maksimum nəticə qazanmaqla mərhələ adladıq. İndi irəli baxmalıyıq". Bu sözləri Sport24.az a açıqlamasınsa "Qarabağ"ın üzvü Marko Yankoviç deyib.
Ağdamlıların monteneqrolu yarımmüdafiəçisi öz performansı, yeni mövsüm və qarşıdakı hədəflərdən də danışıb: "Performansım haqqında nəsə deyə biımərəm, bunu məşqçilər korpusu qiymətləndirib nəsə deyə bilər. Əsas odur ki, taktiki, texniki cəhətdən üzərimizdə çox çalışırıq. Başlıca məqsədimiz həm Premyer Liqada, həm də ÇL -da uğurla çıxış edib, nəticələrimizi yaxşılaşdırmaqdı. Bunun üçün əlimizdən gələni edəcəyik".
Qeyd edək ki, "Qarabağ" Çempionlar Liqasının II mərhələsində "Linkoln"ı mübarizədən kənarlaşdırmaqla növbəti mərhələyə yüksəlib.
POLAD AZƏR
