İdman.biz
"Bu oyunda hər şey var idi: çox sayda imkanlar, qollar. Biz mərhələ keçmək üçün qorumalı olduğumuz hesabdan razı qalmalıyıq".
İdman.biz xəbər verir ki, bunu Zaqreb "Dinamo"sunun futbolçusu Marko Pyatsa deyib.
O, Çempionlar Liqasının pley-off mərhələsinin "Qarabağ"la ilk oyunu barədə fikirlərini açıqlayıb: "Amma rəqib irəli atılandan sonra daha çox qol vura bilərdik. Lakin şikayətlənməyəcəyik. Yaxşı nəticə qazanmışıq. Bakıya böyük inamla gedəcəyik. Bu, hələ son deyil. "Qarabağ" göstərdi ki, çox yaxşı komandadır. Biz Bakıya inamla getməli, amma arxayınlaşmamalıyıq. Onlara yuxarıdan aşağı baxmaq olmaz. Onların ilk 45 dəqiqədə əldə etdiyi epizodları unutmamalıyıq. Buna böyük hörmətlə yanaşmalıyıq".
Qeyd edək ki, Pyatsa "Dinamo"ya qayıdışından sonra ilk qolunu vuraraq komandasının 3:0 hesablı qələbəsində pay sahibi olub.
İdman.biz
