Sport24.az
"Milan"ın və Niderland millisinin sabiq yarımmüdafiəçisi Mark van Bommel A seriyasında çalışmaq istəyi ilə bağlı sualı cavablandırıb. Sport24.az "Milan News"a istinadən xəbər verir ki, hazırda "Antverpen"nın "sükanı arxasında" olan mütəxəssis "rossonerilər"ə baş məşqçi təyin oluna biləcəyi ilə bağlı yayılan xəbərlərə də cavab verib.
"A Seriyasında çalışmaq bütün məşqçilər üçün yeni çağırışdı. Çempionatın səviyyəsi çox yüksəkdir. Təbii ki, özümü sınamaq istərdim. Dominant futbol axtarışındayam. "Milan"ı öz evim hesab edirəm. Bura bir qədər gec, 34 yaşımda gəldim, amma dərhal azarkeşlərlə əla əlaqə qurdum. Bilirəm ki, yayda adım "Milan"la yanaşı hallanırdı, amma etiraf edirəm ki, məni heç kim axtarmayıb. İbrahimoviçlə əlaqə saxlamamışam".
