Idman.biz
İngiltərəli müdafiəçi, hazırda "Kristal Palas"ın heyətində çıxış edən Mark Qehinin qış transfer pəncərəsində "Liverpul"a keçidi baş tuta bilər.
İdman.Biz bu barədə Uefa.com məlumat yayıb.
Qeyd olunur ki, artıq 25 yaşlı M. Qehinin agentinin "Liverpul" rəsmiləri ilə görüşmək üçün bu şəhərə yollanıb.
Məlumata görə, ötən yay futbolçuya təklif olunan və ilkin razılıq verilmiş müqavilənin artıq qəbul edilməyəcəyi gözlənilir. Buna səbəb Qehinin mövcud klubu ilə müqaviləsinin gələn yay başa çatmasıdır. Müdafiəçi həmin vaxt azad agent statusu qazanaraq istədiyi kluba transfer haqqı olmadan keçməyi və bu yolla daha yüksək gəlir əldə etməyi planlaşdırır.
Bu vəziyyətdə "Liverpul" futbolçunu yaydan əvvəl, yəni yanvar transfer pəncərəsində heyətinə qatmaq istəyirsə, ona əvvəlkindən daha sərfəli və cəlbedici şərtlər təklif etməli olacaq. Hazırda M. Qehi ilə bağlı vəziyyət ötən yayla müqayisədə tamamilə dəyişib.
Məlumat üçün əlavə edək ki, Mark Qehi "Çelsi" futbol akademiyasının yetirməsidir.
