Sport24.az
"Ayaks" Mark Overmarsın texniki direktor vəzifəsinə qayıtmasını nəzərdən keçirir. Sport24.az xəbər verir ki, bu barədə "SoccerNew" məlumat paylaşıb.
Çempionlar Liqasında "Qalatasaray"a 0:3 hesablı məğlubiyyətdən sonra Con Heytinqa baş məşqçi vəzifəsindən azad edilib, ardınca texniki direktor Aleks Kruz klubdan ayrılmaq qərarına gəlib. Lakin klub rəhbərliyi onun yerinə başqa birini tapanadək işini davam etdirməsini istəyib.
Qeyd edək ki, Overmars 2012-ci ilin iyulundan 2022-ci ilin fevralına qədər "Ayaks"da Futbol Direktoru vəzifəsində çalışıb. O, 2022-ci ilin fevral ayında qadınlara ədəbsiz şəkillər göndərməklə bağlı qalmaqaldan sonra klubdan ayrılmaq məcburiyyətində qalıb.
