Idman.biz
"Mançester Yunayted" və İngiltərə millisinin müdafiəçisi Hari Maqvayr Səudiyyə Ərəbistanı klublarının maraq dairəsinə düşüb.
İdman.biz xəbər verir ki, "Əl-Nasr" və "Əl-İttifaq" futbolçunu hədəfləyib.
Maqvayrın mövcud klub ilə müqaviləsi 2026-cı ilin yayına qədər qüvvədədir. Əvvəlcə müqavilə keçən yay başa çatmalı idi, lakin tərəflər 2025/26 mövsümü üçün müddəti uzadıblar. Ehtimal var ki, "Mançester Yunayted" futbolçu ilə əməkdaşlığı daha uzatmayacaq.
Qeyd edək ki, Maqvayr 2019-cu ilin yayından "Mançester Yunayted"in şərəfini qoruyur. Bu müddət ərzində müdafiəçi bütün turnirlərdə 253 oyuna çıxıb, 16 qol vurub və 9 məhsuldar ötürmə edib. Transfermarkt portalının məlumatına görə, futbolçunun bazar qiyməti 13 milyon avrodur.
