Idman.biz
"Bavariya"nın qapıçısı Manuel Noyer Münhen klubuyla müqaviləsinin yaxın zamanda başa çatmasına münasibət bildirib.
İdman.Biz xəbər verir ki, 39 yaşlı qolkiper "Bavariya" ilə müqaviləsinin 2026-cı ilin yayına qədər qüvvədə olduğunu deyib:
"Bu məsələ ilə bağlı tam sakitəm. Ən vacibi, komanda olaraq nələr etdiyimizdir. Heç bir tələsmə yoxdur, ən azı qışın sonuna qədər tam rahatam. Burada bir çox amil önəmlidir - sağlamlıq, fiziki forma və motivasiya. Həmçinin klubun növbəti mövsümdəki planları da əhəmiyyət daşıyır. Hələlik bu barədə dəqiq cavab verə bilmərəm, çünki çox tezdir. Daha sonra, əlbəttə, danışıqlar masasına otura bilərik. Hər şeyin öz vaxtı var".
Qeyd edək ki, Manuel Noyer "Bavariya"da 2011-ci ildən çıxış edir. Cari mövsümdə o, bütün turnirlərdə 17 matçda meydana çıxıb, 13 qol buraxıb və 7 oyunda qapısını toxunulmaz saxlayıb.
