Idman.biz
Münhen "Bavariya"sının qapıçısı Manuel Noyer Bundesliqada qələbələrin sayına görə yeni rekorda imza atıb.
İdman.Biz xəbər verir ki, Dortmund "Borussiya"sı ilə 7-ci turun oyununda (2:1) Noyer Almaniya çempionatında 363-cü qələbəsini qeyd edərək sabiq klub yoldaşı Tomas Müllerinin (362) göstəricisini ötüb.
Bu nəticəni əldə etmək üçün 39 yaşlı qapıçı 530 oyun keçirib. Noyer 2011/2012 mövsümündən bəri "Bavariya"nın şərəfini qoruyur; bu müddətdə o, 12 dəfə Almaniya çempionu olub, 5 dəfə ölkə kubokunu, 2 dəfə Çempionlar Liqasını qazanıb.
Noyerin aktivində, həmçinin 2014-cü il Dünya Çempionatı qızılı var. O, həmin turnirdə Almaniya yığmasının qapıçısı kimi ən yaxşı qolkiper seçilmişdi.
