Idman.biz
"Espanyol"un baş məşqçisi Manolo Qonsales La Liqanın dekabr ayının ən yaxşı məşqçisi seçilib.
İdman.Biz bildirir ki, müvafiq məlumat İspaniya Primerasının rəsmi saytında yerləşdirilib.
Ötən ay onun rəhbərliyi altında "ağ-göylər" üç oyundan üçündə qələbə qazanaraq "Rayo Valyekano"nu (1:0), "Xetafe"ni (1:0) və "Atletik Bilbao"nu (2:1) məğlub ediblər. Hans-Diter Flik ("Barselona") və Klaudio Xiraldes ("Selta Viqo") da mükafat uğrunda mübarizə aparıblar.
"Espanyol" hazırda İspaniyanın yüksək liqasında 33 xalla beşinci yerdədir.
"Espanyol" əvvəlki turda "Barselona"ya uduzub (0:2) və növbəti turda "Levante" ilə qarşılaşacaq.
