Qol.az
"Mançester Yunayted"in iki futbolçusu sıraya qayıdıb.
QOL.az xəbər verir ki, bu barədə "The Athletic" nəşri məlumat yayıb.
Bunlar müdafiəçi Matteys de Liqt və hücumçu Amad Diallodu.
22 yaşlı Amad fevral ayında topuq bağlarında yaşadığı zədə səbəbilə mövsümü erkən başa vura bilərdi. Klub bu ehtimaldan narahat idi. 25 yaşlı de Liqt isə apreldə "Nottingem Forest"ə qarşı matçda (0:1) topuq nahiyəsindən aldığı zədəyə görə sıradan çıxmışdı.
Qeyd edək ki, hər iki futbolçu Avropa Liqasının yarımfinal mərhələsinin ilk oyunlarında "Atletik"ə qarşı keçiriləcək matçın hazırlığında iştirak ediblər.
Sözügedən görüş sabah Bakı vaxtı ilə 23:00-da keçiriləcək.
