Sport24.az
"Mançester Yunayted"in futbolçuları mövsüm bitdikdən sonra yollanacaqları Asiya turundan narazıdırlar. Sport24.az xəbər verir ki, bu barədə "The Times" klubdakı mənbələrinə istinadən məlumat yayıb.
Deyilənə görə, "qırmızı şeytanlar"ın oyunçuları turun səbəbini anlayırlar. Bu səfər kluba 8 milyon funt-sterlinq (9,5 milyon avro) gəlir gətirəcək. Bununla belə, oyunçular tətildə ailələri ilə istədikləri qədər vaxt keçirə bilməyəcəklərindən qəzəblidirlər.
Qeyd edək ki, "Mançester Yunayted" son mövsümün yekununda 42 xalla 15-ci yerdə qərarlaşıb.
