Report.az
İngiltərənin "Mançester Yunayted" klubunun yarımmüdafiəçisi Brunu Fernandeş Kriştianu Ronaldu və David De Xeanın rekordunu təkrarlayıb.
"Report" xəbər verir ki, Portuqaliya yığmasının üzvü Mançester təmsilçisinin azarkeşləri tərəfindən 2024/2025 mövsümünün ən yaxşı oyunçusu seçilib.
30 yaşlı yarımmüdafiəçi səsvermə zamanı Amad Diallo və Harri Maquayrı qabaqlayıb. Bununla da B.Fernandeş "Sir Matt Busby" mükafatına 4 dəfə layiq görülən üçüncü futbolçu olub.
K.Ronaldu 2004, 2007, 2008, 2022-ci illərdə mövsümün ən yaxşısı seçilib. David De Xea isə 2014, 2015, 2016 və 2018-ci illərdə bu mükafata layiq görülüb. Mükafat 1987/1988 mövsümündən etibarən hər il təqdim olunur.
Qeyd edək ki, portuqaliyalı futbolçu 2024/2025 mövsümündə "Mançester Yunayted"in heyətində meydana çıxdığı 54 oyunda 19 qola və eyni sayda məhsuldar ötürməyə imza atıb.
