Lent.az
14 yaşlı Cey Cey Qabriel, "Mançester Yunayted" akademiyasının tarixinin ən maraqlı perspektivlərindən biri kimi təqdim edilir. Onun oyunu artıq ona "körpə Messi" ləqəbini qazandırıb. O, yaxın gələcəkdə "Mançester Yunayted" ilə ilk peşəkar müqviləsini imzalamağa hazırlaşır və onu "Real", "Barselona" və "Bavariya" izləyir.
Lent.az bildirir ki, "The Daily Mail"in yazdığına görə, "Mançester Yunayted"in rəhbərləri Ceyson Uilkoks və Mett Harqrivs keçən həftə Cey Ceyin "Old Trafford"da qalmasını təmin etməkdə mühüm rol oynayıblar. Yaşının az olmasına baxmayaraq, onun əsas komanda ilə məşq etmək imkanı olacaq kimi görünür. Bu arada o, U17/U21-lə birgə təlim-məşq toplanışına yollanacaq.
Sosial şəbəkələrdə Qabrielin 95 nömrəli məşq forması geyindiyini əks etdirən foto paylaşılıb. Bu, yalnız əsas komandanın oyunçularına verilir. Mənbənin məlumatına görə, bu, "Mançester Yunayted"in indiyə qədər alınan ən böyük nömrədir.
Əvvəlki rekord 17/2024 mövsümündə 87 nömrəli köynək geyən 25 yaşlı mərkəzi müdafiəçi Qodvill Kunokiyə məxsus idi. O, hələ də klubdadır.
Bu yaxınlarda Nike ilə gəlirli şəxsi müqavilə imzalayan Qabrielin böyük işlər görəcəyi gözlənilir. O, Kriştiano Ronaldonun taxt-tacını ələ keçirəcək növbəti şəxs kimi görünür.
Cəmi 14 yaşında o, artıq Nike şirkətnin Mercurial brendinin gələcək siması kimi təqdim olunur. Tam adı Cosef Junior Andreu Qabriel olan Qabriel futzalda texnikasını mükəmməlləşdirib.
