"Mançester Yunayted" Bruno Fernandeşin Səudiyyə Ərəbistanı klubları ilə danışıqlar aparmasına icazə verib.
İdman.biz xəbər verir ki, bu barədə Britaniya mətbuatı məlumat yayıb.
29 yaşlı yarımmüdafiəçi "Əl-Nəsr" və "Əl-İttihad"ın maraq dairəsinə düşüb. Bəzi məlumatlara görə Bruno Kriştiano Ronadonun çıxış etdiyi "Əl-Nəsr"ə keçmək arzusundadır. Onun transfer qiyməti 70 milyon avro dəyərləndirilir.
Qeyd edək ki, Portuqaliya yığmasının futbolçusu 2023/2024 mövsümündə 48 oyunda 15 qol və 13 ötürmə ilə yadda qalıb. Onun "Mançester Yunayted"lə 2026-cı ilin yayına kimi müqaviləsi var.
İdman.biz