Sport24.az
"Mançester Yunayted" "Leypsiq" və Fil Dişi Sahili yığmasının 19 yaşlı hücumçusu Yann Diomande ilə maraqlanır. Sport24.az xəbər verir ki, bu barədə insayder Fabrisio Romano sosial şəbəkə hesabında məlumat yayıb.
Mənbənin sözlərinə görə, "Mançester Yunayted" və "Tottenhem"in skautları bu yaxınlarda gənc oyunçunun bacarıqlarını və potensialını qiymətləndirmək üçün onun oyunlarını izləyiblər.
Diomande artıq "Liverpul", "Mançester Siti", "Çelsi" və digər klubların maraq dairəsinə düşüb ki, bu da onun yüksək istedada və potensiala malik olmasından xəbər verir.
Qeyd edək ki, Diamonde bu mövsüm Bundesliqada 14 oyun keçirib və 6 qol vurub. Onun alman klubu ilə hazırkı müqaviləsi 2030-cu ilin yayına qədərdir. "Transfermarkt" portalı futbolçunun bazar dəyərini 45 milyon avro qiymətləndirir.
