Sport24.az
"Mançester Yunayted" və "Liverpul" yayda "Yuventus"un yarımmüdafiəçisi Kefren Turam-Julieni "rənglərinə bağlamaq" istəyir.
Mənbənin sözlərinə görə, hər iki İngiltərə nəhəngi 24 yaşlı futbolçunun Turin klubu ilə yeni uzunmüddətli müqavilə imzalamaq ehtimalının yüksək olduğunu da bilir. "Yuventus" fransız futbolçunu "komandanın növbəti dövrünün təməl daşı" hesab edir.
Qeyd edək ki, futbolçu bu mövsüm bütün turnirlərdə 32 oyunda meydana çıxıb, 2 qol vurub və 3 məhsuldar ötürmə edib. Onun klubla hazırkı müqaviləsi 2029-cu ilin yayına qədərdir. "Transfermarkt" portalı onun bazar dəyərini 40 milyon avro qiymətləndirir.
