Sport24.az
"Antverpen"in qapıçısı Senne Lammens karyerasını İngiltərə Premyer Liqasında davam etdirə bilər. Sport24.az xəbər verir ki, "Mançester Yunayted" belçikalı qolkiperi transfer etmək istəyir.
Bu barədə insayder Fabritsio Romano məlumat yayıb.
"Qırmızı şeytanlar" 23 yaşlı "əlcək sahibi" üçün onun klubu ilə ilkin danışıqlara başlayıb.
Qeyd edək ki, "Antverpen" Senne Lammensi 2023-cü ilin yayında "Brügge"dən transfer edib. Belçika millisinin üzvü ötən mövsüm klubunun heyətində 44 rəsmi matçda meydana çıxıb.
