Idman.biz
İngiltərənin "Mançester Yunayted" klubu Premyer Liqanın turnir cədvəlində aşağı liqaya düşmə zonasına yuvarlanıb.
İdman.Biz xəbər verir ki, buna 10-cu turda "Nottingem Forest"in doğma meydanda "Mançester Siti"ni 3:1 hesabı ilə məğlub etməsi səbəb olub. Bu qələbədən sonra Nottingem təmsilçisi xallarının sayını doqquza çatdıraraq 16-cı pilləyə yüksəlib.
Nəticədə "Mançester Yunayted" yeddi xalla 18-ci yerə enib. Mançester təmsilçisi cari mövsümdə keçirdiyi doqquz çempionat oyununda cəmi bir qələbə qazanıb, dörd dəfə heç-heçə edib və dörd qarşılaşmada məğlub olub.
Maykl Karrikin rəhbərlik etdiyi komandanı vəziyyəti düzəltmək üçün növbəti sınaq gözləyir. "Mançester Yunayted" bu gün Premyer Liqanın 10-cu turu çərçivəsində doğma meydanda "Aston Villa" ilə qarşılaşacaq.
Qeyd edək ki, "Nottingem Forest"in "Mançester Siti" üzərində qələbəsində Liam Delap dubl edib. Meydan sahiblərinin digər qolunu Jair Kunya, qonaqların yeganə qolunu isə Rayan Şerki vurub.
