Sport24.az
"Mançester Yunayted" "Çelsi"nin 27 yaşlı hücumameyilli yarımmüdafiəçisi Kristofer Nkunkunun transferində maraqlıdır. Sport24.az xəbər verir ki, bu barədə "Mirror" məlumat yayıb.
Mənbənin sözlərinə görə, London klubu hücumçular Joao Pedro və Liam Delapla müqavilə bağladıqdan sonra fransalı futbolçunun xidmətində maraqlı deyil. "Qırmızı şeytanlar"ın Nkunku üçün qarşı tərəfə 40 milyon avro təklif etməyə hazır olduğu vurğulanır.
Qeyd edək ki, yarımmüdafiəçi ötən mövsüm bütün turnirlərdə 46 matçda iştirak edib, 15 qol vurub və 5 məhsuldar ötürmə edib. Nkunkunun "Çelsi" ilə hazırkı müqaviləsi 2029-cu ilin yayına kimi nəzərdə tutulub.
