Sport24.az
"Mançester Yunayted" "Çelsi"nin hücumçusu Nikolas Ceksonu təmsil edən Əli Baratla seneqallı futbolçunun mümkün keçidi ilə bağlı danışıqlar aparıb. Sport24.az xəbər verir ki, bu barədə jurnalist Nizaar Kinsella X sosial şəbəkəsində (keçmiş Twitter) paylaşım edib.
Daha əvvəl bildirilmişdi ki, "mavilər" 24 yaşlı Ceksonun transferi üçün 70 milyon avro tələb edir.
Qeyd edək ki, Cekson ötən mövsüm bütün turnirlərdə 37 oyun keçirib, 13 qol vurub və 6 məhsuldar ötürmə edib. Futbolçunun klubla hazırkı müqaviləsi 2033-cü ilin yayına kimi nəzərdə tutulub.
