Idman.biz
"Mançester Yunayted" müvəqqəti baş məşqçi vəzifəsini icra edə biləcək "qırmızı şeytanlar"ın üç keçmiş oyunçusu - Ole Qunnar Solskyaer, Maykl Kerrik və Ruud van Nistelroy da daxil olmaqla bir neçə mütəxəssislə ilkin danışıqlar aparacaq.
İdman.Biz bu barədə ESPN-ə istinadən məlumat verir.
Nəşrin məlumatına görə, "Mançester Yunayted" rəhbərliyi yayda daimi namizədi təsdiqləməzdən əvvəl mövsümün sonuna qədər təcrübəli müvəqqəti menecer təyin etməyə meyllidir. Solskyaer artıq "Mançester Yunayted" nümayəndələri ilə görüşüb.
Bu həftə müvəqqəti baş məşqçi vəzifəsini Darren Fletçer icra edəcək. Solskyaer 2018-ci ildən 2021-ci ilə qədər "qırmızı şeytanlar"ı çalışdırıb. 5 yanvarda "Mançester Yunayted" Ruben Amorimin baş məşqçi vəzifəsindən getdiyini elan etdi. Portuqaliyalı məşqçi 11 noyabr 2024-cü ildən 5 yanvar 2026-cı ilə qədər kluba rəhbərlik edib.
