Sport24.az
"Mançester Yunayted" sabiq baş məşqçisi Aleks Ferqyusonla bağlı qərar verib. Sport24.az xəbər verir ki, komandanın sabiq baş məşqçisi klubun səfiri vəzifəsindən azad ediləcək.
Ferqyuson cari mövsüm başa çatdıqdan sonra səfir funksiyasını yerinə yetirməyəcək. Bu addım xərclərin azaldılması məqsədilə atılıb. Hər il şotlandiyalıya 2,16 milyon funt sterlinq ödəyən Mançester təmsilçisi bu vəsaitə qənaət etməyi lazım bilib.
Klubun səhmdarı Cim Ratkliff bununla bağlı Ferqusonla müzakirə aparıb. Tərəflər qarşılıqlı razılıq əldə ediblər.
Qeyd edək ki, mütəxəssis 1986-2013-cü illərdə "Mançester Yunayted"in baş məşqçisi olub.
