Idman.biz
İngiltərənin "Mançester Yunayted" klubu Fransanın "Lill" klubunun 18 yaşlı istedadlı yarımmüdafiəçisi Eyyub Buaddi ilə maraqlanır. İngiltərə təmsilçisi futbolçunu transfer etmək variantını nəzərdən keçirir.
İdman.Biz xəbər verir ki, bu barədə "Caught Offside" məlumat yayıb.
Mənbənin məlumatına görə, Mərakeşəsilli fransalı Buaddi ilə İngiltərə Premyer Liqasının digər klubları, xüsusilə də Londonun "Arsenal" klubu da maraqlanır. Lakin hazırda fransalı yarımmüdafiəçini ən yaxından izləyən komanda "qırmızı şeytanlar"dır. Bununla belə, mankunianlar Buaddinin transferi ilə bağlı "Lill" klubuna hələlik heç bir rəsmi təklif göndərməyiblər.
Mövsüm ərzində Buaddi bütün turnirlərdə 13 oyunda iştirak edib, lakin məhsuldar ötürmə ilə yadda qalmayıb. Futbolçunun klubla qüvvədə olan müqaviləsi 2027-ci ilin yayına qədər nəzərdə tutulub. "Transfermarkt" portalında yer alan məlumata əsasən, oyunçunun bazar dəyəri 30 milyon avrodur.
