Idman.biz
"Mançester Yunayted" İngiltərə Premyer Liqasının 11-ci turunda "Tottenhem Hotspur"la 2-2 hesablı heç-heçə edib.
İdman.Biz bildirir ki, "qırmızı şeytanlar" artıq ardıcıl beş İngiltərə liqası oyununda məğlubiyyətə uğramırlar. Belə seriya komandada 2024-cü ilin fevral ayından bəri olmayıb.
"Qırmızı şeytanlar"ın seriyası 7-ci turda "Sanderlend"ə qarşı keçirilən oyunda başlayıb. Həmin gün Ruben Amorimin komandası 2-0 hesablı qələbə qazanıb. Onlar bundan sonra "Liverpul" (2-1) və "Brayton" (4-2) üzərində qələbə qazanıblar. "Mançester Yunayted" daha sonra "Nottingem Forest"lə 2-2 hesablı heç-heçə edib və "qırmızı şeytanlar"ın seriyası "Tottenhem"lə oyunla uzadılıb. Onlar növbəti turda 24 noyabrda "Everton"u qəbul edəcəklər.
"Mançester Yunayted" 18 xalla Premyer Liqa turnir cədvəlində yeddinci yerdədir.
