Report.az
"Mançester Siti"nin yarımmüdafiəçisi Kevin De Bruyne Premyer Liqa matçlarında komanda yoldaşları üçün yaratdığı qol şanslarının sayına görə "Arsenal" və "Çelsi"nin sabiq futbolçusu Sesk Fabreqasın (846) rekordunu təkrarlayıb.
"Report" xarici KİV-ə istinadən xəbər verir ki bu, ölkə çempionatının XXXVII turunda Mançester təmsilçisinin "Bornmut"a 3:1 hesabı ilə qalib gəldiyi matçda reallaşıb.
Belçikalı yarımmüdafiəçi 2015-ci ildən "Mançester Siti"də çıxış edir. Bu müddət ərzində o, Premyer Liqa oyunlarında komanda yoldaşları üçün 846 qol şansı yaradıb. Bu, statistik məlumatlar toplanandan bəri rekord göstərici sayılır. S.Fabreqas da eyni nəticəni göstərib.
Bu, həmçinin Kevin De Bruyne üçün "Mançester Siti"nin heyətində son ev matçı olub. O, mövsüm başa çatdıqdan sonra klubu tərk edəcək.
Qeyd edək ki, bu göstəricidə ilk "5-liy"ə Stiven Cerrard (828), Frenk Lempard (802) və David Silva (793) daxildir.
