Sport24.az
"Mançester Siti" və "Real" "Liverpul"un yarımmüdafiəçisi Dominik Şoboslainin transferində maraqlıdırlar. Sport24.az xəbər verir ki, bu barədə "Diario AS" məlumat yayıb.
Mənbənin sözlərinə görə, hər iki klub 25 yaşlı macarıstanlı futbolçunu yaxından izləyir. "Liverpul" isə yarımmüdafiəçiyə daha yaxşı şərtlərlə, maaş artımı da nəzərdə tutulan yeni müqavilə təklif edir. Futbolçunun hazırda həftəlik maaşı 135 min avro təşkil edir.
Qeyd edək ki, Şoboslai cari mövsümdə 16 matçda 2 qol vurub və 5 məhsuldar ötürmə edib. Onun İngiltərə klubu ilə hazırkı müqaviləsi 2028-ci ilin yayına qədərdir.
"Transfermarkt" portalı futbolçunun transfer dəyərini 85 milyon avro olaraq qiymətləndirir.
