Idman.biz
"Mançester Siti" 21 yaşlı braziliyalı hücumçu Savio ilə yeni müqavilə imzalayıb.
İdman.biz xəbər verir ki, bu barədə klubun X sosial şəbəkəsində rəsmi məlumat paylaşılıb.
Bildirilib ki, futbolçunun müqaviləsi 2031-ci ilə qədər uzadılıb. Savionun əvvəlki müqaviləsi isə 2029-cu ilə qədər qüvvədə idi.
Qeyd edək ki, gənc forvard 2024-cü ilin yayında Fransanın "Trua" klubundan "Mançester Siti"yə transfer olunub. O, bu müddət ərzində bütün turnirlərdə 54 oyuna çıxıb, 4 qol vurub və 13 qolun ötürməsini verib. Transfermarkt portalının məlumatına görə, futbolçunun bazar dəyəri 50 milyon avro təşkil edir.
Daha əvvəl mediada "Tottenhem"in Savio ilə maraqlandığı bildirilmişdi.
