Idman.biz
"Lion"un 20 yaşlı cinah oyunçusu Malik Fofana Fransa Liqa 1-in 9-cu turunda "Strasburq" ilə oyunda aldığı zədə səbəbindən bir neçə aylıq sıradan çıxıb.
İdman.Biz xəbər verir ki, bu barədə komandadan bildirilib.
"Xəstəxanada gecə aparılan və bu gün təsdiqlənmiş testlər onun sağ topuğunda ciddi burxulma aşkar edib. Zədəyə görə, çox güman ki, əməliyyat tələb olunacaq. Oyunçunun bir neçə ay yaşıl meydanlardan kənarda qalacağı gözlənilir.
"Lion" Malikə ən yaxşı tibbi yardım göstərmək və onun reabilitasiyasına dəstək olmaq üçün bütün lazımi tədbirləri görəcək ki, o, heyətə ən qısa zamanda qayıda bilsin", - Fransa klubunun rəsmi saytında qeyd olunub.
Bu mövsüm Fofana həm klub, həm də Belçika millisində 16 oyunda üç qol vurub və bir məhsuldar ötürmə edib.
