Sport24.az
Rusiya Futbol İttifaqının (RFU) baş katibi Maksim Mitrofanov Rusiyanın dünya səhnəsinə mümkün qayıdışından danışaraq, bunun 2026-cı il dünya çempionatına qədər mümkün olmadığını qeyd edib. Sport24.az xəbər verir ki, funksioner bununla bağlı TASS-a açıqlama verib:
"FİFA və UEFA-nın konqresləri həmişə isti və mehribanlıq şəraitində keçir. FİFA sonuncu konqresdə yoldaşlıq oyunlarının müxtəlif variantlarını fəal şəkildə təklif edən ölkələrə böyük maraq göstərdi və ümumilikdə bizə qarşı isti münasibət oldu.
Amma düşünürəm ki, dünya çempionatına qədər beynəlxalq yarışlara qatılmağımız mümkünsüzdür. Amma mənə elə gəlir ki, Avro-2028-də iştirak edə bilərik. Düşünürəm ki, bunun üçün şans var".
Qeyd edək ki, Rusiya millisi 2022-ci ilin fevralından beynəlxalq yarışlarda iştirakdan kənarlaşdırılıb.
