Idman.biz
İspaniyanın "Barselona" komandasının keçmiş hücumçusu Maksi Lopes Braziliya ulduzu Ronaldinyo ilə yaşadığı unudulmaz xatirələrdən birini bölüşüb.
İdman.Biz xəbər verir ki, Lopes həmin dönəmdə Ronaldinyonun hər gecə yarısı onun evinə gələrək gəzməyə çağırdığını deyib.
Argentinalı futbolçu bunun ardıcıl bir neçə gün təkrarlanmasından sonra sevgilisinin narazılıq etdiyini və "ya mən, ya da Ronaldinyo" seçimində onu sıxışdırdığını bildirib.
Lopes zarafatla həmin anda sevgilisinə bilet alıb geri göndərməyin daha məntiqli olacağını düşündüyünü qeyd edib.
Futbolçu bu xatirəni komanda daxilindəki isti münasibətlərin və Ronaldinyonun xarizmatik şəxsiyyətinin bir nümunəsi kimi dəyərləndirib.
