Sport24.az
Mahir Emreli uzun müddətdən sonra "Nürnberq"in heyətində fərqlənib. Sport24.az xəbər verir ki, o, Almaniya 2-ci Bundesliqasının 29-cu turunda səfərdə "Kayzerslautern"in qapısına yol tapıb.
İlk dəqiqədən meydanda olan Azərbaycan yığmasının futbolçusu 68-ci dəqiqədə güclü zərbə ilə komandasının ikinci qolunu vurub. Qoldan az sonra sarı vərəqə ilə cəzalandırılan Emreli 87-ci dəqiqədə yerini Serraya verib. Sona yaxın meydan sahibləri buraxılan qollardan birinin əvəzini çıxa biliblər - 1:2.
Bu qələbədən sonra "Nürnberq" 44 xalla 7-ci pilləyə yüksəlib.
Qeyd edək ki, Mahir sonuncu dəfə noyabrın 3-də "Hamburq"la görüşdə fərqlənmişdi.
