Sport24.az
"Nürnberq"in və Azərbaycan millisinin hücumçusu Mahir Emreli dünyanın məşhur futbolçularını ən yaxşı vaxtlarına görə sıralayıb. Sport24.az xəbər verir ki, bu barədə II Bundesliqa təmsilçisinin rəsmi yutub kanalında video paylaşılıb.
27 yaşlı forvard oyunçuların adları çıxdıqdan sonra onları müxtəlif pillələrə əlavə edib.
Emreli Zlatan İbrahimoviçi birinci, Kriştianu Ronaldunu ikinci, Neymarı üçüncü sıraya qoyub.
Növbəti mövqelərdə Robert Levandovski, Tyerri Anri, Radamel Falkao, Eden Azar, Fernando Torres, Aryen Robben və Robin van Persi göstərilib.
