Sport24.az
"Mahir Emrelinin klubda qalmasına sevindim". Sport24.az "Clubfokus" nəşrinə istinadən xəbər verir ki, bu sözləri "Nürnberq"in futbolçusu Stefanos Tzimas deyib.
19 yaşlı oyunçu azərbaycanlı futbolçu ilə hücumda yaxşı tandem təşkil etdiklərini bildirib:
"Birlikdə yaxşı oyunlar sərgiləmişik. Bəlkə də meydanda eyni anda iki hücumçunun olması bizim üçün daha yaxşıdır".
"Clubfokus" bu açıqlamadan sonra Azərbaycan millisinin üzvünün qarşıdakı turda "Nürnberq"in əsas heyətində yer ala biləcəyini də vurğulayıb.
Komanda II Bundesliqada sonuncu turda evdə "Hannover"ə uduzub (1:2). İki matçda iştirak ərizəsinə salınmayan Emreli bu görüşdə sonradan meydana daxil olub. Miroslav Klozenin baş məşqçisi olduğu kollektiv ondan əvvəlki qarşılaşmada isə "Herta" ilə qolsuz bərabərə qalıb.
Qeyd edək ki, "Nürnberq" XXV turda martın 9-da "Preussen Munster"in qonağı olacaq.
