Sport24.az
Almaniyanın "Bild" nəşri növbəti dəfə "Nürnberq"də çıxış edən Azərbaycan millisinin futbolçusu Mahir Emreli ilə bağlı iddia irəli sürüb. Sport24.az xəbər verir ki, nəşr 27 yaşlı hücumçunun II Bundesliqanın XXVI turunda evdə "Qroyter Fyurt"a qalib gəldikləri oyundan sonra komanda ilə birlikdə qələbəni qeyd etmədiyini bildirib.
Oyunçuların matçın ardından şimal tribunasına tərəf gedək qalibiyyəti qeyd etdiyi yazılıb. Lakin Emreli qarşılaşma bitən kimi meydanı, ardınca isə stadionu tərk edib. "Nürnberq"in digər üzvü Dastin Forkel isə meydana çıxmasa da, komanda yoldaşlarının yanında olub.
Forvardın "Maqdeburq"u məğlub etdikləri (4:3) görüşdə də eyni hərəkəti etdiyi vurğulanıb.
Qeyd edək ki, Mahir Emreli "Qroyter Fyurt"la oyunun 82-ci dəqiqəsində meydana daxil olub.
